Томпо оройуонун Хаандыга бөһүөлэгэр скандинавскай хаамыынан дьарыктанар дьахталлар бөлөхтөрө сылын аайы айылҕаҕа чугас эргин ыһыллыбыт бөҕү хомуйаллар. Саас Алдан өрүскэ муус барыытын иннинэ бөһүөлэк аннынан субуотунньуктууллар.
Быйыл ыам ыйын 4 күнүгэр субуотунньукка таҕыстылар. Барыта 14 куул бөҕү хомуйдулар. Маны айылҕаҕа «таптаан» сынньанааччылар, өрүһүнэн айаннааччылар быраҕаллар. Бөлөх кыттыылаахтара Алдан өрүскэ бачча элбэх бөх барбатаҕар үөрэллэр. Кинилэр дьону тулалыыр эйгэни харыстыырга, ханна баҕарар чэнчис буоларга ыҥыраллар.
Ааптар: Евдокия Неустроева
Елена Иванова хаартыскалара.
