22 Тохсунньу 22.01
  • -48°
  • $ 73,82
  • 83,32

Алдан мотоциклистара Уһук Илинтэн кыайыы көтөллөөх кэллилэр

10:46, 05 мая 2016
Текст:

Муус устар 30 күнүгэр Благовещенскай куоракка мотокросска ыытыллыбыт Приамурья аһаҕас чемпионатыгар Алданннааҕы спортивнай-техническэй кулууп улахан дьоҥҥо хамаандата ситиһиилээхтик кытынна.

Амур уобалаһын сиригэр-уотугар тэриллибит спорт бырааһынньыгар Уһук Илин 4 уобалаһыттан, кыраайыттан уонна Саха сириттэн барыта 70 киһи кытынна. Владивосток, Хабаровскай, Облучье, Биробиджан,Ивановка, Благовещенскай саастарынан арааран оҕолорго, улахан дьоҥҥо, бэтэрээннэргэ туһунан хамаандалары туруорбуттар. Алдан мото-кулууба Амур уобалаһын мотоспордун Федерациятын Бэрэссэдээтэлэ Андрей Пинегин тус бэйэтин ыҥырыытынан кытынна.

мото

Биирдиилээн күрэххэ “Любитель” категорияҕа Алдан хамаандатыттан киирсэр Дьокуускайтан сылдьар Алексей Морозов бастаата. “ Ветераны” көрүҥҥэ “Алдан” мото-кулууп салайааччыта Василий Шилин 3 миэстэни ылла.

Оҕолору кыайан илдьэ барар кыахпыт суох буолан хамаанданан күрэхтэһиигэ үрдүк баалы ылбатыбыт уонна айылҕабыт мэһэйдэринэн күрэхтэһиигэ барыахпыт иннинэ кыайан эрчиллэр кыахпыт да суоҕа, онно холоотоххо атын хамаандалар саас эрдэ кэлэринэн биһигиттэн икки ыйынан эрдэлээн саҕалыыллар”-диэн быһаарар Василий Шилин. Ол да буоллар мото-кулууп салайааччыта хамаанда ситиһиититтэн астынарын биллэрэн туран Алдан оройуонун баһылыгар Северин Поздняковка, спорт кылаабынай специалиһыгар Наталья Стуканеваҕа хамаанда бу күрэхтэһиигэ кыттарыгар кыаҕы биэрэн көмөлөспүттэригэр махталын биллэрэр.

Благовещенскай кэнниттэн Алдан мотоциклистара Райчихинскайга баран ыам ыйын 2 күнүгэр Константин Старосельцев кэриэһигэр ыытыллыбыт Кубогар кыттан Алексей Морозов, Василий Шилин “Любители”,” Ветераны” категорияларга бастакы миэстэлэри ыллылар.

0
0
22 января 22.01
  • -48°
  • $ 73,82
  • 83,32