Бэс ыйын 18 күнүгэр, 2024 сыллаахха, Россия президенэ Владимир Путин Саха сиригэр кэлэ сылдьыбыта оруобуна иккис сылын туолла.
Айсен Николаев кэпсээбитинэн, дойду баһылыга «Туймаада» стадиоҥҥа Саха сирин олохтоохторун уонна Муусука үрдүкү оскуолатын үөрэнээччилэрин кытта көрсүһүүнү истиҥник саныыр.
«Бу олус дириҥ ис хоһоонноох сырыы этэ. Судаарыстыба баһылыга Саха сиригэр кэлэн, сиртэн хостонор баай боппуруостарын кэпсэппэтэҕэ. Үлэтин сүрүн чааһа «Үлэ кыбартаалыгар» ааспыта. Президент биһиги оҕолорбутуттан — киинэ устааччылартан, артыыстартан уонна айар-тутар эдэр дьонтон улаханнык астынан барбыта. Итэҕэйэбин, биһиги бу сырыы түмүктэрин өссө да өр сыаналыахпыт. Түмүктэр өрөспүүбүлүкэҕэ уонна бүтүн Уһук Илиҥҥэ үчүгэйдэр. Президент стадиоҥҥа дьону кытта уонна Муусука үрдүкү оскуолатыгар оҕолору кытта алтыспытын олус истиҥник саныыр», — диэн Айсен Николаев кэпсээтэ.
