28 Кулун тутар 28.03
  • -12°
  • $ 92,59
  • 100,27

Айсен Николаев улуустарга үлэлии барар выпускниктарга алгыс тылын тиэртэ

10:01, 22 июля 2020
Текст:
Читайте нас на
Яндекс Новости
ЯДВ

От ыйын 21 күнүгэр Ил Дархан Айсен Николаев видеоконференц-сибээс нөҥүө үрдүк үөрэх кыһаларын бүтэрэн, өрөспүүбүлүкэ улуустарынан үлэлии бараары сылдьар выпускниктары кытары кэпсэттэ. Ил Дархан эдэр дьоҥҥо алгыс тылын тиэртэ, ыйытыктарга хоруйдаата диэн, Ил Дархан уонна Бырабыыталыстыба пресс-сулууспата иһитиннэрэр.


Быйыл өрөспүүбүлүкэ үрдүк үөрэх кыһаларын 3200 киһи бүтэрбит. Балартан 30% төрөөбүт дойдуларыгар, сорохтор тус сыаллаах бырагырааманан ыраах сытар улуустарга бараллар.

Айсен Николаев киһи ханна үлэлиирэ бэйэтин көҥүлэ, ол эрэн өрөспүүбүлүкэ Дьокуускай куоратынан муҥурдамматын, идэлээх дьон ханна баҕар наадаларын, ситиһии бэйэттэн тутулуктааҕын эттэ.

Ил Дархаҥҥа ыйытыктары Бүлүү улууһун Чочу орто оскуолатыгар информатика учууталынан бараары сылдьар ХИФУ выпускнига Денис Томскай, Ньурбатааҕы киин балыыһаҕа барыахтаах Дайаана Иванова, Нерюнгрига «Газпром трансгаз Томск» тэрилтэҕэ инженерынан үлэҕэ киирбит Томскайдааҕы политехническэй университет выпускнига Константин Копырин биэрдилэр.

Ил Дархан эдэр дьоҥҥо ситиһиилэри баҕарда, өрөспүүбүлүкэ салалтата улууска үлэлии барыан баҕалаах дьону өрүү өйүүрүн туһунан эттэ.

«Саха сирин инникитэ – эһиги илиигитигэр. Сотору кэминэн үтүө ааккытынан киэн туттуохпут», — диэн Ил Дархан эрэлин биллэрдэ.

Сиһилии манна аах https://ysia.ru/ajsen-nikolaev-naputstvoval-vypusknikov-vuzov-vyezzhayushhih-rabotat-v-rajony-yakutii/

Следите за самым важным и интересным в Telegram-канале и WhatsApp-группе ЯСИА