Бу чааска Ил Дархан Айсен Николаев Саха Өрөспүүбүлүкэтин күнүгэр анаммыт, регион олохтоохторун кытта кэпсэтиитэ сырдатар-иһитиннэрэр ситимнэринэн ыытылла турар.
ОДЬКХ ГУТ үлэһиттэригэр иэс, Айсен Николаев этэринэн, билиҥҥитэ 640 мөл.солк. кэриҥэ (1 млрд этэ).
«Биһиги бырабыыталыстыба салалтатын, ОДЬКХ министиэристибэтин уонна, биллэн турар, ОДьКХ ГУТ салалтатын кытта бу иэс кылгас болдьоххо төлөнөрүн туһугар дьаһаллары ылыахпыт», — диэн эппитин ЯСИА МАХ-ханаалыгар суруйда.
Эрдэ эппитинэн, быйыл түөрт саҥа бөдөҥ хочуолунай үлэҕэ киллэриллэр.
