Өлүөнэ муостатын тутуу суолтатын туһунан кэпсэтиини Айсен Николаев «Пути трансформации государственного и корпоративного управления на современном этапе» VI норуоттар ардыларынааҕы научнай-практическай кэмпириэнсийэҕэ оҥордо.
Ил Дархан бэлиэтээбитинэн, билигин, эйэлээх олох кэмигэр баҕар соччо суолталамматах саҥа быһаарыылары туттар кэм кэллэ.
«Биһиги саҥа быһаарыылары ылыахтаахпыт. Илин диэки хайыһыы, саҥа тырааныспар көрүдүөрдэрэ, ол иһигэр Өлүөнэ муостата Саха сиригэр, Уһук Илиҥҥэ олус суолталаах буолар. Дойдубут туһугар, норуоппут туһугар туттуохтаахпыт», — эттэ кини, диэн суруйда регион салалтатын пресс-сулууспата.
