29 Кулун тутар 29.03
  • -14°
  • $ 92,26
  • 99,71

Айсен Николаев: Кыайыы 75 сылын бэлиэтээһин тэрээһинэ үрдүк таһымнаахтык ааһыаҕа

12:11, 23 декабря 2019
Текст:
Читайте нас на
Яндекс Новости
ЯДВ

Ил Дархан Айсен Николаев «Россия 1» ханаалга быһа эфирга тахсыытыгар, 2020 сылга Кыайыы 75 сылын бэлиэтээһин дойду үрдүнэн улахан суолталаах буоларын бэлиэтээтэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.


«Кыайыы үбүлүөйэ хас биирдии киһи бырааһынньыга. Улуу Кыайыы 75 сылыгар бэлэмнэнии чэрчитинэн, үгүс араас тэрээһиннэр ыытыллыахтара. Биһиги сүрүн сорукпут буолар, хас биирдии сэрии бэтэрээнин тапталбытынан уонна кыһамньыбытынан тулалыырбыт», — диэтэ Айсен Николаев.

Билиҥҥи кэмҥэ өрөспүүбүлүкэҕэ 500 тыһыынча бэтэрээн ааҕыллар. Кинилэр истэригэр үлэ, тыыл бэтэрээннэрэ, блокаданы ааспыттар уонна сэрии кыттыылаахтара бааллар.

Хас сыл ахсын сэрии бэтэрээннэрин ахсаана аҕыйаан иһэр. Бүгүҥҥү күҥҥэ өрөспүүбүлүкэ үрдүнэн 85 бэтэрээн уонна Аҕа дойду сэриитин кыттыылааҕа баарын Айсен Николаев бэлиэтээтэ.

«Бары муниципалитеттары, тэрилтэлэри уонна өрөспүүбүлүкэ олохтоохторун үбүлүөйдээх тэрээһиннэргэ көхтөөхтүк кыттаргытыгар ыҥырабын», — диэтэ Ил Дархан.

Ону таһынан, Улуу Кыайыы бырааһынньыгын чэрчитинэн документальнай киинэлэр уһуллуохтара, бары муниципалитеттарга саллааттарга хорсун быһыы иһин анаммыт обелисктары, монуменнары саҥардыы үлэтэ барыаҕа.

Улуу Кыайыы үбүлүөйэ өрөспүүбүлүкэҕэ үрдүк таһымнаахтык ааһарыгар бигэ эрэллээҕин туһунан Ил Дархан бэлиэтээтэ.

Следите за самым важным и интересным в Telegram-канале и WhatsApp-группе ЯСИА