Атын регионнарга тэҥнээтэххэ, Саха сиригэр куурусса сымыытыгар сыана аһара үрдээһинэ биллибэтэ. Ити регион бырабыыталыстыбата Дьокуускайдааҕы көтөр фабрикатын кытта тэҥҥэ үлэлээһинин түмүгэ буолар.
Ол туһунан Айсен Николаев пресс-конференцияҕа эттэ.
«Биһиги бу сылларга Дьокуускайдааҕы көтөр фабрикатын олус үчүгэйдик өйөөн кэллибит. Өйөбүл куурусса сымыытыгар сыана аһара барбатыгар олук буолла. Атын регионнарга курдук сыана хамсааһыныгар кыһалҕалары көрсүбэтибит», — диэтэ Айсен Николаев.
