Erid: 2SDnjexKHLW
Муус устарга «Айар» национальнай кинигэ кыһатыгар хас да дьоһуннаах таһаарыы күн сирин көрдө. Саҥа кинигэлэр ис хоһооннорун уонна ааптардарбыт туһунан сиһилии билиһиннэрэбит.
Маҕаһыыннарга номнуо атыыга тахсыбыт, ааҕааччы сэҥээриитин ылбыт кинигэлэр:
«Айыылартан айдарыылаахтар, өбүгэлэртэн көҥүллээхтэр»: Арчы дьиэтин иһинэн үлэлиир «Сандаар» айылҕалаахтар түмсүүлэрин 20 сыллаах үбүлүөйүнэн тахсыбыт дьоһун үлэ. Кинигэҕэ айылҕалаах дьон хантан төрүттээхтэрин, туох кистэлэҥ күүстээхтэрин, дьон-сэргэ туһугар үлэлэрин-хамнастарын уонна ханнык араас тургутуулары ааспыттарын туһунан кэпсэнэр. Маны таһынан муунтуйбут санааттан тахсарга, сиэри-туому сөпкө толорорго аналлаах сүбэлэр ааҕааччыга күүс-көмө буолуохтара.
«Өбүгэбит олоҕо-дьаһаҕа»: Саха төрүт эйгэтин сэҥээрээччилэргэ анаан тахсыбыт ойуулаах тылдьыт. Бу таһаарыы саха төрүт олоҕун-дьаһаҕын, үйэлэри уҥуордаан илдьэ кэлбит ытык өйдөбүллэрин билиһиннэрэргэ көмөлөөх буолуо. Кинигэ тиэмэлэринэн арахсар, холобур: ат сыарҕата, чыычаахтар, күндү түүлээх кыыллар, отон араастара. Хас биирдии тыл сахалыы уонна нууччалыы бэриллэр, ойуунан көрдөрүллэр.
"Айар" кинигэ кыһата
«Хардааччы Бэргэн»: Андрей Титаров кырачаан ааҕааччыларга анаабыт олоҥхо-кинигэтэ. Оҕолору төрөөбүт тыл кэрэтигэр сыһыарарга, олоҥхо умсулҕаннаах эйгэтигэр уһуйарга олус табыгастаах айымньы. Кинигэ дьэрэкээн ойуулардаах уонна оҕо бэйэтэ ааҕарыгар табыгастаах буоларыгар бөдөҥнүк суруллубут.
Муус устар 27 күнүгэр «Бичик+» маҕаһыыҥҥа буолан ааспыт автограф-сессияҕа кыттыыны ыллылар:
Галина Нельбисова, «Санаам ытарҕата эйэҥэлиир»: Арассыыйа Суруйааччыларын сойууһун чилиэнэ, биллэр прозаик үбүлүөйүн көрсө таһаарбыт саҥа хомуурунньуга. Кинигэҕэ олоҕу олорбут, «көмүс күһүннэрин чараҥар» үктэммит кэрэ аҥаардар дьылҕаларын, дьахтар аналын уонна олох күннээҕи үөрүүтүн-хомолтотун арыйар кэпсээннэр түмүлүннүлэр.
Борис Павлов Кэм, «Өйбөр туппут куоратым»: Саха билиҥҥи литературатыгар сонун көстүү буолбут саҥа арамаан. Айымньыга саха норуотун олоҕор улахан сабыдыалы оҥорбут 90-с сыллар, оччотооҕу ыччат хамсааһыннара уонна кэм үтүө-мөкү харсыһыыта уус-ураннык ойууланар.
Саҥа кинигэлэри «Айар» кыһа бары маҕаһыыннарыттан уонна ayar.ru интэриниэт-маҕаһыынтан атыылаһыаххытын сөп.
Реклама. АО НИК «АЙАР». ИНН 1435328670
