16 От ыйа 16.07
  • 25°
  • $ 87,81
  • 95,78

Айар куттаах спортсмены, учууталы Степан Юмшановы биир дойдулаахтара ахталлар

13:03, 31 августа 2020
Текст:
Читайте нас на
Яндекс Новости
ЯДВ

Дьааҥы улууһун Адыаччы нэhилиэгин олохтоох бибилэтиэкэтин үлэhитэ Любовь Горохова Саха сирин суруйааччыларын чилиэнэ, прозаик, очеркист, спортсмен, учуутал Степан Иннокентьевич Юмшанов төрөөбүтэ 75 сылыгар аналлаах сэдэх хаартыскаларынан, ахтыыларынан таҥан оҥорбут, кыраайы үөрэтиигэ дириҥ историческай суолталаах матырыйааллара бу күннэргэ нэһилиэккэ улахан сэҥээриини ылан, дьону сэргэхситтэ. Адыаччылар бассаап ситимигэр ыытыллар кэпсэтиилэргэ кытталлар, саhарбыт хаартыскаларга хабыллыбыт оҕо саастарын, Степан Юмшанов элбэх оҕону, ыччаты спорт эйгэтигэр угуйбут учуутал уонна арылхай майгылаах киhи буоларын ахталлар.


Пандемия кэмигэр улуус бибилитиэкэлэрэ элбэх сэргэх тэрээhиннэри ситим форматынан ыыталлар.

Саха сирин суруйааччыларын чилиэнэ, прозаик, очеркист, спортсмен, учуутал Степан Иннокентьевич Юмшанов төрөөбүтэ 75 сылыгар аналлаах тэрээhиннэр салҕаналлар.

Адыаччы нэhилиэгин олохтоох бибилэтиэкэтин үлэhитэ Любовь Контваровна Горохова сэдэх хаартыскаларынан, ахтыыларынан таҥан оҥорбут, кыраайы үөрэтиигэ дириҥ историческай суолталаах матырыйаалларыгар Степан Юмшанов Адыаччы  оскуолатыгар учууталлыы сылдьыбыт кэмнэрэ, урут ханна да көстүбэтэх хаартыскалара киирдилэр. Онно «Убайбыт Ыстапаан — Саха бухатыыра уонна суруйааччыта» диэн сэрии сылларын оҕото Юмшанов Николай Дмитриевич уонна учууталлар учууталлара Гатилова Мария Дмитриевна «Спортка тапталы иҥэрии» диэн ахтыыларыгар Степан Юмшанов олоҕун кэрчик кэмнэрэ сырдатыллыбыттар.

Степан Юмшанов Адыаччы 1964-1965 с., оччотооҕу 8 кылаастаах оскуолатыгар физкультура учууталынан үлэлээбит кэмнэриттэн саҕалаан, 1974 с. биллиилээх тустууктуун Иван Яшнайдыын киирсиитэ спорт түhүлгэтин улаханнык киэргэппитэ  дьон-киhи өйүгэр-санаатыгар умнуллубаттык иҥпитэ көстөр.

Любовь Контваровна хомуйбут сэдэх хаартыскалардаах матырыйааллара улахан болҕомтону ылан, ситим бөлөҕүн ааҕааччылара бэйэлэрин ахтыыларын оҥороллоро олус кэрэхсэбиллээх. Адыаччы нэhилиэгин олохтоохторо бассаап ситимигэр ыытыллар кэпсэтиилэргэ кытталлар, саhарбыт хаартыскаларга хабыллыбыт оҕо саастарын, Степан Юмшанов элбэх оҕону, ыччаты спорт эйгэтигэр угуйбут учуутал уонна арылхай майгылаах киhи буоларын ахталлар.

Степан Иннокентьевич үөрэппит оҕото — Дьааҥы оройуонун бэтэрээннэрин бэрэссэдээтэлэ Дария Христофоровна Чирикова олус сэргэх ахтыытын маннык суруйар: «Учууталбыт Степан Иннокентьевич биһиэхэ 5-кэ үөрэнэрбитигэр кылааһы салайбыта, саха тылын уонна физкультураны үөрэтэрэ. Саас куоракка тустууга күрэхтэһэ баран кэлэн баран, бастакынан «клеш» бүрүүкэни кини кэппитэ. Оччолорго куоракка саҥа муода буолбут быһыылааҕа. Кылаас күрэхтэһиитигэр учууталбыт «Өйдөөх кыыс» диэн омук остуоруйатын тылбаастаан, бэлэмнээн туруоран, 1-кы миэстэни ылбыттаахпыт.

Дьиҥэр Степан Иннокентьевич Адыаччы Сэргэлээҕэр төрөөтөҕө, дьоно колхоһу бөдөҥсүтүүгэ Табалаахха кини 5 саастааҕар көһөллөр.

Күһүн физкультураҕа «Ампаардаахха» тиийэ сүүрдэр этэ, урут итинник сүүрбэтэх оҕолор таалбыт анньан нэһиилэ кэлэр этибит«.

Степан Иннокентьевич Юмшанов Орто дойдуга кэлэн ааспыт бэлиэтинэн ыытыллар тэрээhиннэр, элбэх сырдатыылар үүнэр көлүөнэ төрөөбүт дойдутун билиитигэр тирэх буолуо.

Следите за самым важным и интересным в Telegram-канале и WhatsApp-группе ЯСИА