«Агротуризм» граҥҥа регионнартан докумуону хомуйуу ыам ыйын 15 — 31 күннэригэр ыытыллар. Бу РФ тыатын хаһаайыстыбатын бырагыраамата. Докумуоннары регионнааҕы туһааннаах биэдэмистибэтигэр туталлар.
Хамыыһыйа бырайыактары көрөн баран, 2024 сылга тыа сиригэр туризмы сайыннарыыга сөптөөх былааннаах киһиэхэ 10 мөл солк диэри сууманы биэриэҕэ.
Ханнык регионтан граҥҥа тиксибит дьон аата сайын биллиэҕэ, диэн суруллар докумуоҥҥа.
Үбү ыалдьыт-туристары көрсүүгэ инфраструктура тэрийиитигэр, территория благоустройствотыгар, оборудование, инвентарь ылыытыгар уонна да атын сөптөөх хайысхаҕа туттуохха сөп.
Докумуоннар уонна ирдэбиллэр министиэристибэ сайтыгар бааллар, онно киирэн көрүөххэ сөп.
Саха сирэ агротуризм хайысхатын киллэриигэ анаан айыллыбыт курдук. Онон бу күннэргэ кэскиллээх дьыалаҕа «старт» оҥороргутугар тыа хаһаайыстыбатын министиэристибэтэ сүбэлиир.
Санаттахха, былырыын маннык граҥҥа Саха сириттэн икки киһи тиксибитэ.
