Дьааҥы улууһун Адыаччы нэһилиэгин ыала чаччыгыныар оҕолорун чыыбыргаһар саҥаларыттан үөрэллэр-көтөллөр. «Айылҕа оҕолоро биһиги тиэргэммитин сөбүлээн, уйа тутталлар», — диэн кэпсиир Лира Акимова.
Хаартыска: Лира Акимова
Саха сирин кылгас эрээри, ураты кэрэ сайыныгар айылҕа араас дьиктини бэлэхтиир. Адыаччы ыалын күүлэтин аанын үрдүгэр чаччыгыныар уйа туттан, сымыыттаан, онтон оҕолоро тахсан, чыыбыргаһар саҥаларын дьиэлээхтэр сөбүлүүллэр. СИА-ҕа анаан хаартыскаҕа түһэрдилэр, видеоҕа уһуллулар. «Аччыктаатахтарына айдаан бөҕө буолаллар, онтон ийэлэрэ кэлэн аһатар, оччоҕуна тута утуйан хаалаллар», — диэн Лира кэтээн көрүүтүн кэпсиир.
