19 От ыйа 19.07
  • 14°
  • $ 87,88
  • 96,1

Абыйга Виктор Ефимов кэриэһигэр күрэхтэһии ыытылынна

15:30, 21 января 2016
Текст:
Читайте нас на
Яндекс Новости
ЯДВ

Оскуолаҕа буолбут кэриэстэбил күнүгэр учууталлара, аймахтара, доҕотторо, бииргэ үөрэммиттэрэ сырыттылар. Саха Өрөспүүбүлүкэтин үтүөлээх учуутала Владимир Неустроев Виктор Петрович оскуолатааҕы сылларын туһунан кэпсээтэ. Оҕо сааһын доҕотторо Валерий Хабаров, Валентина Черемкина, аймаҕа Роза Никулина, быраата Гаврил Старостин Виктор Ефимов олоҕун саҥа өрүттэрин арыйдылар.

Бииргэ төрөөбүт балта Антонина Ефимова Виктор оскуолаттан саахыматынан үлүһүйбүтүн эттэ. Онон аймахтара Виктор төрөөбүтэ 60 сылыгар үөрэнээччилэр ортолоругар нуучча дуобатыгар, саахымакка оройуоннааҕы күрэхтэһиини тэрийдилэр. Антонина Петровна оскуола салалтатын уонна уруу-аймах Ефимовтар ааттарыттан үөрэх туйгуннарыгар грамоталары уонна сыаналаах бэлэхтэри туттартаата. Виктор Петрович аймахтара, доҕотторо бастыҥ саахыматчыт, дуобатчыт оҕолорго анал номинациялары олохтоотулар.

Улуус баһылыга Михаил Никулин Виктор Петрович өрөспүүбүлүкэ, улуус сайдыыларыгар кылаатын бэлиэтээтэ уонна быйыл Абый сэлиэнньэтигэр 100 миэстэлээх таас оскуоланы тутуу саҕаламмытын, В.П. Ефимов аатынан Үрүҥ Хайа оскуолатын саҥа дьиэтин тутуу Саха АССР 100 сылыгар анаммыт «Өрөспүүбүлүкэ социальнай суолталаах 100 объега» өрөспүүбүлүкэтээҕи бырагыраамаҕа киллэриллибитин иһитиннэрдэ.

Түмүккэ тэрээһин кыттыылаахтара Виктор Ефимов бүүһүгэр тыыннаах сибэкки уурдулар.

Следите за самым важным и интересным в Telegram-канале и WhatsApp-группе ЯСИА