19 От ыйа 19.07
  • 14°
  • $ 87,88
  • 96,1

Абыйга баһаарга эмсэҕэлээбиттэргэ көмө оҥоһуллар

10:01, 09 января 2023
Текст:
Читайте нас на
Яндекс Новости
ЯДВ

Абый улууһун Кэбэргэнэтигэр буолбут баһаарга эмсэҕэлээбиттэргэ харчынан көмө оҥоһуллар. Харчы муниципалитет уонна бырабыыталыстыба саппаас пуондатыттан оҥоһуллар.

Икки этээстээх 12 кыбартыыралаах дьиэ Кэбэргэнэҕэ тохсунньу 1 күнэ буолар түүнүгэр уокка былдьанна. Дьиэ быыһаммата. Икки киһи суорума суолланна, 17 киһи эвакуацияланна, ол иһигэр икки оҕо. Билигин баһаартан эмсэҕэлээбиттэр аймахтарынан олороллор.

Бастакы вице-премьер Дмитрий Садовников мунньахха Үп уонна Үлэ министиэристибэлэрэ харчынан көмө оҥоһулларыгар этии киллэрэллэригэр сорудахтаата. Муниципалитет дьон докумуоннарын оҥорууга ылсыаҕа. Барыллаан биллэринэн, сэттэ кыбартыыра муниципальнай бас билиигэ баар, 5 кыбартыыра приватизацияламмыт.

Өрөспүүбүлүкэ салалтатын сорудаҕынан саҥа дьиэ тутуута эбэтэр муниципальнай бас билиигэ баар кыбартыыралаахтарга компенсация биэриитэ быһаарыллар.

Баһаар биричиинэтэ быһаарыллар. Барыллаан дааннайынан, уоту сэрэҕэ суох туттууттан тахсыбыт буолуон сөп.

Следите за самым важным и интересным в Telegram-канале и WhatsApp-группе ЯСИА