Ааспыт сууккаҕа Саха сиригэр саҥа ойуур баһаарын булбатылар. Билигин барыта 10 баһаары умуллараллар,биир ойуур баһаарын тохтоттулар. Бу туһунан өрөспүүбүлүкэ экологияҕа, айылҕаны туһаныыга миниистирин солбуйааччы Андрей Коноплев иһитиннэрдэ.
«Бүгүҥҥү күҥҥэ 28,6 тыһыынча гектар иэннээх сиргэ 13 ойуур баһаара баар. Онтон 20,6 тыһыынча гектар иэннээх сиргэ 10 баһаары умуллараллар, алта ойуур баһаарын тохтоттулар. Уоту умуруорууга 492 киһи уонна биир тиэхиньикэ үлэлиир», — диэн Андрей Коноплев иһитиннэрдэ.
