Саха сиригэр регионнааҕы уонна регионнар икки ардыларынааҕы таһымнаах ыксаллаах быһыы-майгы режимэ үлэлиир. Уус-Маайа, Өлүөхүмэ уонна Үөһээ Халыма оройуоннарыгар муниципальнай таһымнаах ыксаллаах быһыы-майгы режимэ биллэриллибитэ. Бу туһунан өрөспүүбүлүкэ экологияҕа, айылҕаны туһаныыга миниистири солбуйааччы Андрей Коноплев кэпсээтэ.
«Ааспыт сууккаҕа эбии биир ойуур баһаарын буллулар, 7,3 гектар иэннээх сиргэ аҕыс баһаары тохтоттулар. Атырдьах ыйын 18 күнүгэр 208,9 тыһыынча гектар иэннээх сиргэ 46 ойуур баһаара баар, уонна 368 гектар иэннээх сиргэ биир ландшафтнай. Онтон 101 тыһыынча гектар иэннээх сиргэ 12 баһаары тохтоттулар. Уоту умуруорууга 1,2 тыһыынча киһи уонна 32 анал тиэхиньикэ үлэлиир», — диэн Андрей Коноплев иһитиннэрдэ.
