26 От ыйа 26.07
  • 17°
  • $ 85,41
  • 93,17

Аартыкаҕа хортуоппуй тиэйиитэ саҕаланна

17:01, 06 августа 2021
Текст:
Читайте нас на
Яндекс Новости
ЯДВ

«Якутоптторг» Аартыка ыраах нэһилиэктэригэр хортуоппуй тиэрдиитин саҕалаата. Ан-2 сөмөлүөт күн аайы кэриэтэ көтөр. Икки ый иһигэр Аартыка аҕыс улууһун 34 ыраах нэһилиэгин хортуоппуйунан хааччыйыахтаах. Бу туһунан премьер Андрей Тарасенко бэйэтин Инстаграмыгар суруйда.


«Бэҕэһээ туоннаттан тахса хортуоппуй Эбээн Бытантай Кустууругар тиийдэ. Ити Кустуурга бүтэһик сылларга бастакы Ан-2 тиийиитэ. Хортуоппуй биир киилэтэ 102 солкуобай. Оҕуруот аһа олохтоохторго барыларыгар тиийэрин курдук атыылыыллар», — диэтэ Тарасенко.

Атырдьах ыйын 4 – 5 күннэригэр Усуйаана Тумат, Хайыр нэһилиэктэригэр 1200-түү туонна хортуоппуй тиэрдилиннэ.

«Аныгыскы сырыы – Үрүҥ Хайа. Онтон Индигиир улуустарын ыраах сытар нэһилиэктэригэр тиэрдиэхтэрэ», — диэтэ премьер.

Кэлэр нэдиэлэ бүтүүтэ хортуоппуй Халымаҕа тиэрдиллиэ.

Следите за самым важным и интересным в Telegram-канале и WhatsApp-группе ЯСИА