Суһал сулууспаҕа ыҥырыллар сааһы үрдэтэр туһунан сокуон барылын Госдума көрүүтүгэр киллэрдилэр диэн, ТАСС иһитиннэрэр.
Саҥа сокуон барылын быһыытынан аармыйаҕа ыҥырыллар саас 2024 сылга 19- тан 30- гар диэри буолуоҕа, 2025 сылга — 20- тэн 30- гар диэри, 2026 сылга — 21-тэн 30-гар диэри. Онуоха баҕалаахтар 18 саастарын туолаат, суһал сулууспаҕа барыахтарын сөп.
Сокуон ылыллар түбэлтэтигэр 2024 сыл тохсунньу 1 күнүттэн үлэҕэ киириэҕэ.
Санатан эттэххэ, былырыын ахсынньыга Сергей Шойгу армияҕа сулууспалыыр алын сааһы 18 — тан 21- гэр диэри үрдэтэргэ, оттон хойутаабыта – 27-тэн 30- гар диэри улаатыннарарга этии киллэрбитэ. Ону сэргэ, Шойгу суһал сулууспаҕа кэлээттэрин кытары байыаннай сулууспаҕа контрагынан үлэлии киирэр кыахтаналларын курдук сокуону уларытарга ыҥырбыта.
