20 От ыйа 20.07
  • 19°
  • $ 88,02
  • 96,04

817 байыаһы үлэнэн хааччыйыахтара

Хаартыска: ЯСИА саайта
Читайте нас на
Яндекс Новости
ЯДВ

Байыаннай дьайыы кыттыылаахтара уонна дьиэ кэргэттэрэ үлэ булалларыгар көмөлөһүү салҕанар.

Дьарыктаах буолуу судаарыстыбаннай кэмитиэтин отделын салайааччы Марианна Заровняева брифиҥҥэ иһитиннэрбитинэн, бу сылга  квоталаах үлэ миэстэлэригэр байыаннай дьайыы кыттыылаахтарын — 817 киһини үлэҕэ киллэрэр былаан баар.

— Былырыын өрөспүүбүлүкэҕэ байыастары, кинилэр дьиэ кэргэттэрин үлэ буларга өйүүр миэрэлэри сокуон таһымыгар бигэргэппиттэрэ. Үлэни биэрээччилэр аны квотаны — үлэ миэстэтин уопсай ахсааныттан кыччаабыта 1%-ны бэтэрээннэргэ уонна кинилэр дьиэ кэргэттэригэр биэриэхтээхтэр. Бу байыастар байыаннай дьайыыттан кэлэн баран, үлэлээх-хамнастаах буолалларын хааччыйар туһуттан оҥоһуллар, — диэн кини эттэ.

2023 сыл ахсынньытыгар Владимир Путин «О занятости населения в Российской Федерации» сокуон саҥардыллыбыт барыйааныгар илии баттаабыта. Сокуоҥҥа байыаннай дьайыы кыттыылаахтарыгар уонна дьиэ кэргэттэригэр көмө туһунан эбии киирбитэ. Салгыы Саха сирин сокуоннарыгар эмиэ уларыйыы киириэхтээх, суруйда Ил Дархан, бырабыыталыстыба дьаһалтатын пресс-сулууспата.

Олунньу ыйга бырабыыталыстыба мунньаҕар байыаннай дьайыы кыттыылааҕа бэйэ дьыалатын арынарыгар көмөлөһөр төлөбүр туһунан уурааҕы көрүөхтэрэ.

Источник: Саха сирэ сайт

Следите за самым важным и интересным в Telegram-канале и WhatsApp-группе ЯСИА