Саха сиригэр Амур уобалаһыттан 720 туонна концентрированнай сүөһү аһын аҕалыахтара. Ордук окко наадыйар оройуоттарга тарҕатыахтара. Ол туһунан тыа хаһаайыстыбатын миниистирин бастакы солбуйааччыта Петр Попов эттэ, суруйар СИА.
Петр Попов эппитинэн, бу күннэргэ сүөһү аһын бэлэмнээһин хампаанньата түмүктэнэр, бу сылга оттооһун ыарахан усулуобуйаҕа ааспыта бэлиэтэнэр. Былаан 88% туолла. Сорох оройуоттар ардах уутуттан, аһыҥкаттан, кураантан эмсэҕэлээтилэр.
Ил Дархан сорудаҕынан, аҕыс ордук эмсэҕэлээбит оройуоттарга 101 мөл солк көмө оҥоһулунна, ол иһигэр концентрированнай сүөһү аһын ылыыга.
«Якутоптторг» тэрилтэ аҕалыыга эппиэттээх буолла.
