Ил Дархан ыйааҕынан, тэрилтэлэр 65 саастарыттан аҕа уонна дьарҕа ыарыылаах үлэһиттэрин коронавирус дьаҥыттан хааччахтыыр кэм иһигэр, дьиэҕэ олордоллоро булгуччулаах буолла. Мэдиссиинэ үлэһиттэригэр бу дьаһал сыһыана суох. Бу туһунан Үлэ уонна социальнай сайдыы министиэристибэтэ иһитиннэрэр.
Ыйаахха сурулларынан, үлэһит РФ Үлэҕэ Кодексын 312.1 ыст.олоҕуран, дьиэттэн олорон үлэлиэн эбэтэр РФ социальнай страховкалааһын пуондатын нөҥүө больничнай оҥотторуон сөп.
Өскөтүн ити икки көрүҥ табыллыбат түгэнигэр үлэһити бэйэтин көрдөһүүтүнэн сыллааҕы төлөнөр уоппускатыгар эбэтэр Үлэ кодексын быһыытынан хамнаһа суох уоппускаҕа ыыталлар.
Изоляция кэмигэр бу ыйыллыбыт дьон үлэ миэстэтигэр кэлэн үлэлиир түбэлтэлэрэ үлэ биэрээччигэ административнай буруйу кэһээһин курдук сыаналаныа.
