Саха сирин Арктикатыгар 2031 сылга диэри кыра кыамталаах атом ыстаансыйатын үлэҕэ киллэрэр былааннаахтар. Бу дьаһал бигэ тарыыптаах уотунан хааччыйыаҕа. Бу туһунан Ил Дархан Айсен Николаев ТАСС-ка пресс-кэмпириэнсийэҕэ иһитиннэрдэ.
«Биһиги бүгүн Росатомы кытта өрөспүүбүлүкэбитигэр кыра кыамталаах атом ыстаансыйатын тутуу бырайыагын тула олус ыкса үлэлиибит. 2031 сылга 110 мегаватттаах ыстаансыйаны биһиги өрөспүүбүлүкэбит Арктика зонатыгар, бастатан туран, Усуйаана уонна Дьааҥы оройуоннарыгар саҕаланар бырайыактары хааччыйарга киллэрэр былааннаахпыт. Бу судаарыстыба атомнай энергетика бу эҥээр чугас сылларга баар буоларын туһугар барытын оҥороругар мэктиэтэ. Маннык ыстаансыйа сөптөөх тарыыптарынан бигэ уотунан хааччыйыаҕа, ол нэһилиэнньэлээх пууннары бигэтик сайдыы суолугар таһаарыаҕа», — диэн Айсен Николаев бэлиэтээтэ.
Эрдэ ЯСИА суруйбутун ааҕыҥ.
