18 От ыйа 18.07
  • 18°
  • $ 88,09
  • 96,3

2025 сылга "Агротуризм" бырагырааманан граҥҥа кыттыыга сайаапкалары хомуйаллар

Хаартыска: СИА
Читайте нас на
Яндекс Новости
ЯДВ

Саха сиригэр «Агротуризм» ханнык хайысхата ордук сайдыан сөп дии саныыгытый? Туристар ынах ыы кэлиэхтэр этэ дии саныыгыт дуо?

2025 сылга «Агротуризм» бырагырааманан грант биэриитигэр куонкуруска сайаапкалары тутуу саҕаланна диэн, РФ тыатын хаһаайыстыбатын министиэристибэтэ суруйда. Иһитиннэриигэ этиллэринэн, хаһаайыстыбалар интэриэһинэй ис хоһоонноох туристическай бырайыактарын олоххо киллэрэллэригэр министиэристибэ харчынан көмөлөһөр.

Регионнар миэстэтигэр баҕалаахтартан бырайыактары хомуйан, муус устар 27 – ыам ыйын 24 күннэригэр дойду министиэристибэтигэр ыыталлар. Кимнээх 2025 сылга грант ылаллара 2024 сыл сайыныгар биллэр. Грант кээмэйэ 3 — 10 мөл. солк.

Россия үрдүнэн 2022 сылтан саҕалаан, 53 региоҥҥа 121 бырайыагы олоххо киллэрэ сылдьаллар. Федеральнай өйөбүл уопсай суумата 1,5 млрд солк буолла. Саха сиригэр 2023 сылга Сунтаар, 2024 сылга Горнай уонна Бүлүү хаһаайыстыбалара ылбыттара.

Следите за самым важным и интересным в Telegram-канале и WhatsApp-группе ЯСИА