2024 сылга бу көрдөрүү 795 миллиард солкуобай этэ. Бу туһунан Ил Түмэҥҥэ «Саха Өрөспүүбүлүкэтин Бырабыыталыстыбатын 2025 сыллааҕы үлэтин түмүгүн туһунан» киэҥ ыҥырыылаах мунньахха регион бырабыыталыстыбатын бэрэссэдээтэлэ Кирилл Бычков иһитиннэрдэ.
«Валовай региональнай бородуукта (ВРП) 2025 сыл түмүгүнэн 2,6 триллион солкуобайга тэҥнэстэ. 2025 сылга промышленнай оҥорон таһаарыы динамиката бытаарда. Оҥорон таһаарыы индекса 100% тэҥнэстэ, ол аата 2024 сыл көрдөрүүтүгэр сөп түбэһэр. Ол да буоллар, алмааһы хостооһун аччааһынын туоратар кыахтанныбыт. Чох хостооһуна 51,2 мөлүйүөн туоннаттан таҕыста, оттон кыһыл көмүс хостооһуна 56 туоннаттан таҕыста. Бу Саха сиригэр историческай муҥутуур көрдөрүү уонна дойдуга иккис миэстэ. Ниэп уонна гаас хостуур иэн биир кэминэн хаалар. Өрөспүүбүлүкэ Россияҕа бастакытын үрүҥ көмүһү хостооһуҥҥа инники күөҥҥэ таҕыста. Бу барыта инвестиционнай үлэнэн ситиһилиннэ. 2025 сыл түмүгүнэн Саха сирин экономикатыгар 782,1 миллиард солкуобай инвестиция тардылынна. 2024 сылга бу көрдөрүү 795 миллиард солкуобай этэ. Онон, үгүс салааларга аан дойдутааҕы уонна политическай балаһыанньанан бэлиэтэммит ыарахан содуллары намтатар кыахтанныбыт.», — диэн Кирилл Бычков бэлиэтээтэ.
Кини ону тэҥэ национальнай рейтиҥҥэ Саха сирэ инженернэй ситимнэргэ уонна коммуникацияларга бастыҥнар ахсааннарыгар киирэрин, ону тэҥэ тутууга көҥүлү ылыы болдьоҕор дойду үрдүнэн үс бастыҥ иһигэр сылдьарын эттэ.
