19 От ыйа 19.07
  • 14°
  • $ 87,88
  • 96,1

2024 сыл Хаҥалас улууһугар Дьиэ кэргэн уонна оҕо саас сылынан биллэрилиннэ

Читайте нас на
Яндекс Новости
ЯДВ

Россияҕа Дьиэ кэргэн, Саха сиригэр Оҕо саас сыллара биллэриллэн үүммүт сыл Хаҥалас улууһугар Дьиэ кэргэн уонна оҕо саас сылын чэрчитинэн ааһарын туһунан дьаһалы улуус баһылыга Олег Иринеев ахсынньы 28 күнүгэр баттаабытын туһунан оройуон дьаһалтатын пресс-киинэ иһитиннэрэн турар. Онон, дьиэ кэргэн үгэһин, сыаннастарын харыстыыр уонна чөл хаалларар үлэ, оҕолоох ыалларга көмө салҕаныа. Нэһилиэнньэ, чуолаан, оҕо аймах доруобуйатын бөҕөргөтүүгэ улахан болҕомто ууруллуо. 50-н уонна онтон элбэх сыл бииргэ олорбут дьиэ кэргэннэри чиэстээһин салҕаныа.

Дьиэ кэргэн уонна оҕо саас сылын көрсө Саха сирин уон тыһыынчатааҕы олохтооҕо Нөмүгүттэн Татьяна уонна Николай Жирковтар дьиэ кэргэннэригэр үһүс оҕонон сэтинньи 7 күнүгэр төрөөбүтэ. Ахсынньы бүтүүтэ улуус, нэһилиэк салалтата, социальнай көмүскэл управлениета дьиэ кэргэни көрсөн эҕэрдэлээбиттэрэ, бэлэх, «Үйэ оҕо-то» сертификат туттарбыттара.

Ону сэргэ, Покровскайтан элбэх оҕолоох Виктория уонна Ньургун Готовцевтар СӨ Үлэҕэ уонна социальнай сайдыыга министиэристибэтиттэн дьиэ туттарга (ипотечнай кредиты төлүүргэ) туһуламмыт 2 мөл. солк. тахса сууммалаах сертификаты туттулар. 2023 сылга Хаҥалас улууһугар 5 уонна онтон элбэх оҕолоох уопсайа 5 дьиэ кэргэн маннык сертификаты тутта.

Оттон үүммүт сыл иккис күнүгэр Покровскайдааҕы роддомҥа биир бастакынан Покровскай олохтооҕо Анастасия Колесова үһүс оҕотун оҕолонно –кыыс оҕо күн сирин көрдө. Тохсунньу 3 күнүгэр Надежда Козлова эмиэ кыыс оҕолонно, тохсунньу 5-гэр – Өктөмтөн Надежда Неустроева эмиэ кыыстанна. Кырачааннар дьиэ кэргэттэригэр чэгиэн доруобуйаны, дьолу баҕарабыт!

Ольга Гермогенова, «Хаҥалас» хаһыат

Следите за самым важным и интересным в Telegram-канале и WhatsApp-группе ЯСИА