30 Кулун тутар 30.03
  • -16°
  • $ 92,37
  • 99,53

2020 сылга Саха сирин дьыссааттарыгар эбии 1,7 тыһыынчаттан тахса миэстэни таһаарыахтара

11:33, 31 марта 2020
Текст:
Читайте нас на
Яндекс Новости
ЯДВ

Саха сирин былааһа 2020 сылга 3-7 саастаах оҕолору тэрилтэнэн хааччыйыыга анаан, эбии 1,7 тыһ миэстэни тэрийиэхтэрэ. Дьаһалынан тоҕус оройуон, ол иһигэр Арктика эргимтэтэ хабыллыаҕа. Билигин дьыссаакка уочарат суох. Онон оҕолоро тэрилтэҕэ  саҥа барааччы төрөппүттэр ирдэбиллэрин толорууга үлэ ыытыллар. СИА Үөрэх министиэристибэтин пресс-сулууспатын иһитиннэриитин ТАСС-ка олоҕуран суруйар.


РФ президенэ Владимир Путин дьааһылалары уонна дьыссааттары тутуу бырагырааматын кэҥэтэн биэрэр туһунан кулун тутар саҕаланыыта Ивановскай уобаласка сылдьан эппитэ. Бу «Демография» национальнай бырайыак чэрчитинэн ыытыллар.

«Владимир Путин 3-7 саастаах оҕолор тэрилтэнэн хааччыллыыларыгар уолчараты суох оҥорууга анаммыт ыам ыйынааҕы ыйаахтара биһиги өрөспүүбүлүкэбитигэр толоруллаллар. Оскуола иннинээҕи саастаах оҕо тэрилтэтинэн 54 тыһ. 217 оҕо хабыллар. 2020 сылга 13 эбийиэк үлэҕэ киллэриллэрэ былааннанар. Муниципалитеттарга уонна Дьокуускай куоракка 1,7 тыһ. саҥа миэстэ таһаарыллыахтаах«, — диэтилэр министиэристибэҕэ.

Үөһээ Бүлүү, Мэҥэ Хаҥалас, Таатта, Нам, Өлүөхүмэ, Ньурба, Сунтаар, Томпо уонна Уус Алдан улуустарыгар саҥа оҕо тэрилтэлэрэ арыллыахтара.

Следите за самым важным и интересным в Telegram-канале и WhatsApp-группе ЯСИА