Зырянка бөһүөлэгин чугаһыгар Халыма өрүскэ чугастааҕы сууккаҕа уу таһыма муҥутуур үрдээһинэ бэлиэтэниниэн сөп диэн, Саха сиринээҕи УГМС сэрэтэр.
Гидрологтар этэллэринэн, уу таһыма эбии 10-20 см. үрдүөн сөп. Ордук намыһах учаастактар уонна аэропорт көтөр-түһэр балаһата ууга барар кутталлаах.
Ону тэҥэ, Өлүөнэ өрүскэ уу таһыма Өлүөхүмэ оройуонун диэки салгыы үрдүү турар. Кэлэр сууккаҕа Покровскай-Кангалассы учаастакка уу салгыы үрдүөҕэ.
