18 Тохсунньу 18.01
  • -48°
  • $ 73,82
  • 83,32

Юрий Трутнев региону сайыннарыы иһин Егор Борисовка Махтал суругу туттарда

11:23, 03 августа 2016
Текст:

Атырдьах ыйын 2 күнүгэр Соҕуруу-Сахалиҥҥа Уһук Илин сыл бастакы аҥаарыгар социальнай-экономическэй сайдыытын түмүктэрин ырытталар. Мунньаҕы РФ вице-премьерэ – РФ президенин боломуочуйалаах бэрэстэбиитэлэ Юрий Трутнев салайан ыытта. Манна этиллибитинэн, Чукотка, Камчатка уонна Саха сирэ инники кирбиигэ таҕыстылар.


Вице-премьер регионнарын биллэ сайыннарбыт салайаччыларга: Саха сирин баһылыгар Егор Борисовка, Чукотка губернаторыгар Роман Копиҥҥа уонна Камчатка губернаторыгар Владимир Илюхиҥҥа Махтал суруктары туттарда.

«Уһук Илин сайдар. Сыл бастакы аҥаарыгар промышленнай оҥорон таһаарыы көрдөрүүтэ 105,4% үрдээтэ. Биһиги бэйэбитигэр уонна атыттарга ирдэбиллээхпит. Билигин уопсай көрдөрүү туһунан буолбакка, хас биирдии уобалас ситиспитин ырыттыбыт», — диэтэ Трутнев.

Кини экономиканы көдьүүстээхтик сайыннарыыга ураты болҕомто уурулларын ыйда. «Социальнай процесстары салайар уонна ону сайыннарар туһугар үбү-харчыны оҥоруохтаахпыт», — диэтэ кини.

Трутнев эппитинэн, инники диэки сайдарга ымпыктыыр-чымпыктыыр ырытыы наада. Ону таһынан сайдыыга ким хайдах кыттара аахсыллыахтаах. «Уһук Илини сайыннарыыга субъектар киллэрэр кылааттара араас”, — диир кини.

Регионнар үлэлэрин сыаналааһын ньымата тупсарыллыаҕа. «Критерийдэргэ аҕыйах тыллаах, кылгас испииһэги үөскэтиэхпит. Онно олоҕуран түмүгү таһаарабыт. Итиниэхэ ким ордугун, мөлтөҕүн быһаарыы буолбакка, президент сорудаҕын толорон, бары бииргэ баран иһэр хайысхабытын чопчулуубут, чуолкайдыыбыт. Критерийдэр туох-ханнык иннинэ регион ис валовай бородууктатын үрдэтиини, инвестицияны тардыыны уонна миграция процеһын түмүктэрин кытта ыкса ситимнээхтэр», — диэтэ кини.

0
0
18 января 18.01
  • -48°
  • $ 73,82
  • 83,32