21 Алтынньы 21.10
  • -5°
  • $ 71,88
  • 83,09
Поделиться:

Ырыан баҕалаахтарга 53 мөлүйүөннээх сыһыарыы айдылар

Саҥа сыһыарыыны айарга Сергей Протопопов диэн Саха сиринээҕи IT-парк резиденэ, урбааньыт Оскар Харатманов уонна «Просто делай! Делай просто!» кинигэ сүрүн редактора Евгений Кавешников буолан үлэлэстилэр. Сыһыарыы киэҥ эйгэҕэ тахсарыгар барыта 53 мөлүйүөн үп-харчы баранна.

«Просто делай! Делай просто!» диэн кинигэ 2019 сыллаахха Ozon, Wildberries, ЛитРес маҕаһыыннарыгар бестселлер буолбута. Кинигэни 150 тыһыынчаттан тахса киһи атыыласпыта, аахпыта. Ол аата бу хайысханы дьон интириэһиргиир. Чахчытын даҕаны, киһи барыта тупсаҕай көрүҥнэниэн, чөл туруктаныан баҕарар, ол иһин маҥнайгы бырайыакпыт киһи ыйааһынын көрүнэригэр аналлаах сыһыарыы буолар», — диэн Сергей Протопопов саҥа Soon сыһыарыы ураты философиятын кэпсиир.

Сыһыарыыны туһанар бэрт судургу, маныаха аһыыр аскын хаартыскаҕа түһэрэҥҥин уган иһиэхтээххин. Оччоҕо бэйэтэ хас калорийы аһаабыккын ааҕан суоттаан таһаарар, анал диета да аныыр. Төһө элбэх ууну иһэргин эмиэ бэлиэтиигин, кэлин тас көмөтө суох уун уонна аһыҥ нуорматын тутуһа үөрэнэҕин, эрэсиимҥэ чэпчэкитик киирэҕин. Маны ааһан, сыһыарыыга бэйэтигэр чаттаах, онно кыра кыайыыларгын уонна ыарахттаргын үллэстэҕин, сүбэ-ама көрдүүгүн.

“Билигин «Soon» cыһыарыыны 25 тыһ. киһи төлөпүөнүгэр киллэрдэ. Кэлин биһиги айбыт сыһыарыыбытын дьон сарсыарда Инстаграм иннинэ көрөр буолуохтара диэн эрэнэбит”, — сыһыарыы ааптара баҕа санаатын үллэстэр.

0
0
Тутаах тыллар
21 октября 21.10
  • -5°
  • $ 71,88
  • 83,09