2013 сылтан бэттэх ыам ыйын 21 күнүгэр Ырыа Күнэ өрөспүүбүлүкэҕэ киэҥник бэлиэтэнэр. Үгэс быһыытынан бу күн куорат киин болуоссаттарыгар уонна театрдарыгар кэнсиэрдэр буолуохтара.
Орджоникидзе болуоссатыгар күнүс 12.00 чаастан ырыаҕа анаммыт тэрээһиннэр ыытыллыахтара. «Бу бэлиэ күн сүрүн сыала-соруга норуоттары сомоҕолуурга туһаайыллар. Биһиги саныахпытыгар, ырыа саамай демократичнай уонна дьон күргүөмүнэн кыттар култуурата. Кини эдэри-эмэни түмэр ураты күүстээх. Ырыа Күнүгэр хас биирдии норуот бэйэтин тылынан ыллыаҕа-туойуоҕа. Онон, бырааһынньыкка судаарыстыбатааҕы анал туругу олохтуурга кэм-кэрдии уолдьаста», — диир бырааһынньыгы көҕүлээччи Алексей Калининскай.
Ырыа күнүгэр анаммыт тэрээһиннэр:
12:00 — Саха Өрөспүүбүлүкэтигэр Ырыа Күнүн үөрүүлээхтик аһыы сиэрэ-туома.
Суорун Омоллоон аатынан гостеатр, «Туймаада» вокальнай ансамбыл, С.А.Зверев — Кыыл Уолун аатын сүгэр театр оркестырын кэнсиэрэ;
13:00 — Дьокуускай уус-уран коллективтарын бырааһынньыктааҕы бырагыраамата. Манна баянистар ассоциациялара кыттар;
14:00 — «Север – наш общий дом» — национальнай общиналар бырагыраамалара;
15:00 — Өрөспүүбүлүкэ салалтатын, дьокутааттар эҕэрдэлэрэ. «Поет День песни — Земля Олонхо» өрөспүүбүлкэтээҕи акция. Манна Дьокуускай коллективтара, хордар «Айыы кыhатын» үөрэнээччилэрэ кытталлар;
16:00 — «Дьүһүй» сахалыы ырыа кулуубун уонна ырыаны айааччылар кэнсиэрдэрэ;
17:00 – 19:00 — Эстрада театрын артыыстарын кэнсиэрэ.
