22 От ыйа 22.07
  • 29°
  • $ 88,02
  • 96,04

Ыччат десана Анаабыр оройуонугар үлэлиир

Читайте нас на
Яндекс Новости
ЯДВ

Саха сиригэр ыччат десана «Оройуоннарынан» үлэлиир — бу быстах байыаннай хомуурга түбэспит дьон дьиэ кэргэттэрин өйүүр сыаллаах тэриллибит Ыччат министиэристибэтин бырайыага.  Бүгүн десант Алдан уонна Нерюнгри кэнниттэн үһүс Анаабыр улууһугар кэллэ.

Ыччат десант састаабыгар былаас уорганнарын үлэһиттэрэ уонна волонтердар бааллар. Кинилэр консультационнай көмөнү оҥороллор уонна Саха сирин оройуоннарыгар патриотическай иитиигэ дьаһаллары ыыталлар. Сыл бүтүөр диэри десант Абый, Муома, Өлөөн уонна Кэбээйи оройуоннарыгар бара сылдьыаҕа, диэн министиэристибэҕэ иһитиннэрдилэр.

Анаабыр оройуонугар десант кыттыылаахтара икки күн сылдьыахтар. Бүгүн делегация кыттыылаахтара Сааскылаахха мобилизацияламмыт ыаллары өйүүр миэрэнэн консультациялаатылар, ону тэҥэ эр санаа уруогун, «Напиши письмо солдату» акцияны уонна оскуола үөрэнээччилэригэр волейболга маастар-кылаас ыыттылар. Сарсын манна оройуон сайдыытын боппуруостарыгар стратегическай сессия ыытыллыаҕа.

«Исписэлиистэр грантовай куонкурстар, ыччат общественнай тэрилтэлэрин, дьарыктаах буолуу эйгэтин, IT- технология туһунан ыйытыыларга эппиэттиэхтэрэ», — диэн өрөспүүбүлүкэҕэ ыччат уонна социальнай коммуникация миниистирэ Петр Шамаев кэпсээтэ.

Следите за самым важным и интересным в Telegram-канале и WhatsApp-группе ЯСИА