Саха сиринээҕи гидрометеокиин синоптиктара бэс ыйын 28 күнүгэр, чэппиэргэ, халлаан туругун туһунан иһитиннэрдилэр.
Алдан уонна Нерюнгри оройуоннарыгар этиҥнээх дохсун ардах түһэрэ күүтүллэр. Бу кэмҥэ тыал түргэнэ сөкүүндэҕэ 15–20 миэтирэҕэ тиийэ күүһүрүөҕэ.
Соҕуруу уонна арҕаа диэки кыра ардах, илин уонна соҕуруулуу-арҕаа — сорох сирдэринэн орто күүстээх ардах түһүөҕэ. Дьааҥыга инчэҕэй хаар күүтүллэр.
Киин оройуоннарга күнүс +15…+20 кыраадыска диэри сылыйыаҕа, хотугулуу-илин — +10…+15 кыраадыска диэри. Хотугулуу-арҕаа салгын температурата +5…+10 кыраадыс буолуоҕа, кытылга -4…+1 кыраадыс.
Дьокуускайга күнүс быстах былыттаах, сөҥүүтэ суох буолара сабаҕаланар. Түүн -1…+1 кыраадыс, оттон күнүс салгын температурата +15…+17 кыраадыска диэри үрдүөҕэ.
