Өймөкөөн улууһун «Северная заря» хаһыат телеграм-ханаалыгар Семен Сивцев — Өймөкөөн Сэмэнэ бу сарсыарда олохтоохтору халыҥ хаар көрсүбүтүн кэпсиир видеотын таһаарда.
«Өймөкөөҥҥө ыам ыйынааҕы хаардаах сарсыарда» диэн бэлиэтээһин суруллубут.
Сэмэн хаар билигин ууллан эрэрин СИА-ҕа кэпсээтэ, хаартыскаларын ыытта.
Өймөкөөн олохтооҕо, пиэрмэр Дуся Вензель бу сарсыарда турбуттарыгар кинилэри хаар уруйдуу көрсүбүтүн кэпсээтэ. «Сайыммыт кэлбэт үһү», — диэн айылҕа дьиктитин үөрэ-көтө кэпсээтэ.
