“Якутия” авиахампаанньатын эскадрильетыттан Артем Челядников дьулуһуута туолан, салгын суудунатын хамандыыра буолла уонна бэйэтин бастакы көтүүтүн Дьокуускай-Баатаҕай-Дьокуускай туһаайыытынан толордо. Бастакы рейсинэн уопсайа 62 пассажиры тиэйдэ.
Артем Челядников Орто Халыматтан төрүттээх. Оскуола кэнниттэн байыаннай летчик буолар ыралаах эбит, ол эрээри 2010 сыллаахха ити идэҕэ бэлэмнээбэтэхтэр, онон гражданскай авиацияҕа барбыт. Кини 2015 с. Сасовскай көтөр училищены бүтэрэн баран, “Якутия” хампаанньаҕа үлэлии кэлбитэ.
СИА.
