Бүгүн, от ыйын 26 күнүгэр, СӨ Үөрэххэ уонна наукаҕа миниистирин солбуйааччы Владимир Тихонов биһиги улууспутугар үлэ хаамыытынан кэлэн Төҥүлү оскуолатын хапытаалынай өрөмүөнүн көрдө, диэн Мэҥэ Хаҥалас улууһун дьаһалтатын телеграм ханаала суруйар.
Улуус баһылыгын Дмитрий Тихоновы кытта сүрүн боппуруостары торумнастылар. Салгыы миэстэтигэр тахсан өрөмүөн үлэтин, оскуола туругун, итэҕэстэри-быһаҕастары билистэ.
Өрөмүөн үлэтигэр үбүлээһин федеральнай бүддьүөттэн уонна өрөспүүбүлүкэттэн көрүллүбүтэ. Бэдэрээччит тэрилтэнэн «ССК» ХЭТ үлэлии сылдьар, былаан быһыытынан үөрэх дьыла саҕаланыар диэри эбийиэк ситэн туттарыллыахтаах.
Мэҥэ Хаҥалас улууһун дьаһалтатын пресс-сулууспата
