Россия президиэнэ Владимир Путин бэс ыйын 18 күнүгэр Саха сиригэр сырыытын кэмигэр Ил Дархан Айсен Николаевы кытта көрсүһүүтэ буолла. Регион социальнай уонна экономическай сайдыытын боппуруостарын көрдүлэр.
Айсен Николаев сиһилии регион сайдыытын кэпсээтэ, ол иһигэр промышленность эйгэтин, инвестиционнай бырайыактар туолууларын, транспортнай инфраструктура тутуутун. «Биэс ый түмүгүнэн, Саха сиригэр промышленнай үрдээһиммит 9,7 бырыһыан буолла, ааспыт сылы кытта тэҥнээтэххэ. ВРП 5,6 бырыһыан улаатта. Бары хайысха көрдөрүүлэрэ үчүгэй», – диэтэ кини.
Саха сирэ национальнай сыаллары ситиһии дьыалаларыгар уонна нацбырайыактары толорууга инникилээн иһэр.
Владимир Путин Айсен Николаев хамаандатын үлэтин түмүгүн үрдүктүк сыаналаата Саха сирин дьонун олоҕун хаачыстыбатын тупсарыыга. Кини ордук тоһоҕолоон демографияны бэлиэтээтэ. «Бары демографическай көрдөрүү эһиэхэ ордук, дойду үрдүнэн тэҥнээтэххэ», – диэтэ Владимир Путин.
Сиһилии: https://ysia.ru/vladimir-putin-vysoko-otsenil-rezultaty-raboty-komandy-ajsena-nikolaeva/
