Россия президенэ Владимир Путиҥҥа Саха сирин патриотическай бырайыактарын көрдөрдүлэр. Судаарыстыба баһылыга Уһук Илиҥҥэ бастакы пилота суох аппарааттар анал подразделениеларын байыастарын кытта кэпсэттэ, бойобуой снайпинг федерациятын үлэтин кытта билистэ.
«Саха сиригэр «Сулус» үөрэтэр-стрелковай киин арыллыбыта. Сүрүн чааһынан ыраах дистанцияҕа ытар полигон буолар», — диэтэ Ил Дархан Айсен Николаев.
«Сулус» киин уонна Россияҕа бастакы ыраах дистанцияҕа ытыыга турнир туһунан киин дириэктэрэ, Россия Геройа Александр Колесов Владимир Владимировичка кэпсээтэ. «Патриотическая» ТОР туһунан билиһиннэрдилэр, манна анал байыаннай дьайыыга наадыйыыны оҥорон таһаараллар, Кыайыыны чугаһаталлар. Президент Уһук Илиҥҥэ боломуочуйалааҕа Юрий Трутнев эппитинэн, ТОР резиденнэрэ уонна «Якутия» технопарка байыастарга анаан ураты бырайыактары оҥороллор: БПЛА, буржуйка оһохтор, прицеллар, рациялар, бронежилеттар уонна да атыттар. Владимир Владимирович маннык тэриниини үрдүктүк сыаналаата.
