13 От ыйа 13.07
  • 30°
  • $ 87,74
  • 95,76

Виктор Аны Дьокуускайга ыҥырдылар

10:21, 23 марта 2016
Текст:
Читайте нас на
Яндекс Новости
ЯДВ

Олимпиада, аан дойду хас да төгүллээх муҥутуур чөмпүйүөнэ Виктор Ан бу күһүн баҕар, Саха сиригэр маастар-кылаас ыыта кэлиэҕэ. Ити туһунан СИА-ҕа федеративнай сыһыаннаһыыларга миниистир Владимир Васильев эттэ.


«Саҥа саҕалыыр спортсменнары үөрэттэрэ Виктор Аны Дьокуускайга официальнайдык ыҥырдыбыт. Кини ыҥырыыны ылыныа диэн эрэнэбит», — диир миниистир.

Ыспыраапка:

Спорт үтүөлээх маастара Виктор Ан (дьиҥнээх аата— Ан Хен Су) 1985 сыллаахха сэтинньи 23 күнүгэр Соҕуруу Корея Сеул куоратыгар төрөөбүтэ. Кореятааҕы национальнай спорт университетын бүтэрбитэ. Оскуола алын сүһүөҕэр үөрэнэ сылдьан шорт-трегынан дьарыктаммыта. 2011 сылга диэри Соҕуруу Корея аатыттан күрэхтэһэрэ, бу сыл сайыныттан ыла Россия сүүмэрдэммит хамаандатын састаабыгар дьарыктаммыта. Эмиэ ити сыл Россиятааҕы гражданствоны уонна Виктор Ан диэн ааты ылыммыта.

Кини Соҕуруу Корея, Россия элбэх төгүллээх чөмпүйүөнэ.

Турин (Италия) куоракка 2006 сыллаахха ыытыллыбыт Олимпиадаҕа 1000 уонна 1500 м кыайбыта, ону таһынан 500 м сүүрүүгэ боруонса мэтээли ылары ситиспитэ.

2014 сыллаахха Сочига буолбут Олимиадаҕа Виктор Ан араас уһуҥҥа кыайбыта, бириистээх миэстэлэргэ тиксибитэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар