25 От ыйа 25.07
  • 16°
  • $ 86,55
  • 94,38

Василий Егоров норуоттар икки ардыларынааҕы турнирга филиппинецкэ хоттордо

15:15, 16 марта 2018
Текст:
Читайте нас на
Яндекс Новости
ЯДВ

Польша аатырбыт тириэньэрэ Феликс Штамм кэриэһигэр боксаҕа үгэс буолбут норуоттар икки ардыларынааҕы турнирга саха боксаҕа оскуолатын иитиллээччитэ Василий Егоров финалга тахсар иһин киирсиигэ филиппинец Ян Кларк Баутистаҕа 4:1 ахсаанынан хоттордо.


Кулун тутар 12 күнүттэн Варшава куоракка саҕаламмыт күрэхтэһиигэ 52 киилэҕэ диэри ыйааһыҥҥа Арассыыйа сүүмэрдэммит хамаандатыттан кыттыбыт биир дойдулаахпыт бастакы киирсиитигэр Мазиж Йозвигы (Польша), салгыы Хамза Тубаны (Германия) кыайталаабыта. Соҕуруулуу Илиҥҥи Азия Оонньууларын призера Ян Кларк Баутистаны кытта киирсиитигэр судьуйалар кыайыыны филиппинецкэ биэрдилэр — 4:1.

Европа икки төгүллээх чөмпүйүөнэ, аан дойду үрүҥ көмүс призера Василий Егоровулахан кыайыыларын 49 киилэлээхтэргэ ситиспит буоллаҕына, бу аан дойдутааҕы таһымнаах күрэхтэһиигэ тириэньэрдэрэ кинини 52 киилэҕэ диэри ыйааһыҥҥа тургутан көрдүлэр. Манна даҕатан эттэххэ, соторутааҕыта Дьокуускайга ыытыллыбыт Бүтүн Арассыыйатааҕы турнирга Василий 52 киилэлээхтэргэ эрэллээхтик бастаан турар.

Феликс Штамм кэриэһигэр күрэхтэһии бүгүн, кулун тутар 16 күнүгэр, түмүктэниэҕэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар