23 От ыйа 23.07
  • 20°
  • $ 87,78
  • 95,76

Василий Егоров Финляндияҕа норуоттар икки ардыларынааҕы бокса турнирыгар кыайда

13:16, 10 марта 2020
Текст:
Читайте нас на
Яндекс Новости
ЯДВ

Саха спортсмена Василий Егоров Финляндияҕа Хельсинки куоракка ыытыллыбыт норуоттар икки ардыларынааҕы «Gee Bee» бокса турнирыгар 52 киилэҕэ чөмпүйүөннээтэ.


Василий Егоров Армения бөҕөһүн Сейран Егикяны 5:0 ахсаанынан хотто. Полуфиналга Францияттан сылдьар Тео Тиконы 4:1 ахсааннаах кыайыыны ситистэ.

Кыһыл көмүс мэтээл иһин саха спортсмена Украина бөҕөһө Павел Коваленколыын кииристэ.

«Василий 5:0 ахсаанынан кыайда. Турнир кэнниттэн кини үс нэдиэлэ сынньаныаҕа, ыйааһынын чөлүгэр түһэриэҕэ», — диэн өрөспүүбүлүкэ боксаҕа сүүмэрдэммит хамаандатын тренерэ Артур Пахомов эттэ.

Күрэхтэһиигэ Россия сүүмэрдэммит хамаандата түөрт кыһыл көмүс, биир үрүҥ көмүс уонна биэс боруонса мэтээли ситиспитэ бэлиэтэнэр.

Следите за самым важным и интересным в Telegram-канале и WhatsApp-группе ЯСИА