Серпухов куоракка муус устар 26 — ыам ыйын 2 күннэригэр 19 — 22 саастаах эдэрдэргэ боксаҕа Россия чемпионата ыытыллыаҕа. Турнирга 200-тэн тахса күүстээх спортсмен дойду 51 регионуттан кыттыаҕа. Саха сириттэн Валерий-Талбан Егоров (49 кг диэри) күүһүн холонуоҕа.
Москва саамай элбэх кыттааччылаах – 27. Онтон Санкт-Петербург — 22. Үһүскэ Дагестан — 18. Москва уобалаһа — 15. Краснодарскай кыраай — 9.
Бириис пуондата — 17,5 мөл солк. Боруонсалар — 125 тыһ солк, үрүҥ көмүстэр – 250 тыһ солк, кыайыылаахтар — 350 тыһ солк уонна массыына ылыахтара.
Россия чемпионата «Надежда» спорт дыбарыаһыгар ыытыллыаҕа. Пандемиянан ылыллыбыт миэрэлэр тутуһуллаллар. Турнир муус сутар 26 күнүгэр арыллыаҕа, финал киирсиилэрэ — ыам ыйын 2 күнүгэр.
Источник: Россия боксаҕа федерациятын пресс-сулууспата
