27 Ыам ыйа 27.05
  • -7°
  • $ 104,68
  • 115,6

Уус Маайа Петропавловскайыгар олохтоохтор кыттыһан өйдөбүнньүк мемориал туруордулар

17:01, 09 мая 2021
Текст:

Уус Маайа Петропавловскайын олохтоохторо Улуу Кыайыы күнүн көрсө өйдөбүнньүк мемориал туруордулар. Бу туһунан ulus.media суруйар. 


Пааматынньыгы олохтоохтор кыттыһан туруорбуттар. Ким 500 солкуобайы, ким 5000-ны биэрбит. Улахан сууманы Аҕа дойду Улуу сэриитин кыттыылаахтарын — Перевалов Павел Викторович, Степанов Николай Иннокентьевич, Николаев Петр Гаврильевич, Кириллин Алексей Мефодьевич уонна Сысолятин Маркел Евсеевич сыдьааннара дьиэ кэргэнинэн кыттыһан биэрбиттэр.

Мрамортан оҥоһуллубут билиитэлэргэ сэриигэ сылдьыбыт саллааттар ааттара үйэтитиллибит.

Өйдөбүнньүк мемориалы таҥыыга Евдокия Ивановна Трифонова, Нина Николаевна Попова, Ольга Павловна Ловцова үлэлэспиттэр. Тимиртэн үлэтин олохтоох Арсений Дидок оҥорбут. Мемориалы нэһилиэк дьаһалтата туруорбут.

Евдокия Ивановна салгыы мемориалга тыыл бэтэрээннэрин ааттарын үйэтитэр баҕалааҕын иһитиннэрдэ. Кини ыччакка хаалар өйдөбүнньүк суолтатын биир дойдулаахтара өйөөн, биир сүбэнэн олоххо киллэрбиттэригэр истиҥ махталын тиэрдэр.

Следите за самым важным и интересным в Telegram-канале и WhatsApp-группе ЯСИА
0
0