Бу күннэргэ социальнай ситимнэргэ уонна мессенджердэргэ НЛО-ну (биллибэт көтөр эттиги) Саха сиригэр көрбүттэрин, ону ааһан Уус Алдан улууһугар күөлгэ кэлэн түспүт диэн хаартыскалар, иһитиннэриилэр тарҕаммыттара.
Бороҕон уонна Тулуна икки ардыгар биллибэт көтөр эттик күөлгэ түспүтүн, ону илэ көрбүт дьон баалларын туһунан хаартыска туоһулаах иһитиннэрии тарҕаммыта. Онуоха Дьокуускайтан полициялар уонна анал сулууспа үлэһиттэрэ тиийбиттэрин туһунан эбэн суруллубут этэ.
Биллибитинэн, бу иһитиннэрии сымыйа буолла. Бу 2013 сыллаахха Чебаркуль күөлгэ кэлэн түспүт Челябинскайдааҕы метеорит тобоҕун булбуттарын хаартыскаҕа түһэрбиттэрин тарҕаппыттар.
