Өскөтүн Украина былааһа РФ территориятыгар терактары ыытыыны салгыырга сананар буоллаҕына, эппиэт кытаанах буолуоҕа. Ол туһунан Владимир Путин бэнидиэнньиккэ куттал суоһаабатыгар Сэбиэт суһал мунньаҕар эттэ диэн СИА ТАСС-ка сигэнэн суруйар.
«Россия эппиэтэ кытаанах уонна Российскай Федерация утары оҥоһуллар сааныы таһымыгар тэҥнээх буолуоҕа», — диэтэ судаарыстыба баһылыга.
Президент бэлиэтээбитинэн, Киевтааҕы эрэсиим бэйэтин дьайыыларынан бэйэтин норуоттар ардыларынааҕы террористическай тэриллиилэри кытта биир дуоскаҕа туруорунна, онон маннык буруйу оҥорууну эппиэтэ суох хаалларар сатаммат.
Владимир Путин иһитиннэрбитинэн, «Оборуона министиэристибэтин этиитинэн уонна Россия Генеральнай штабын былаанынан Украина энергетикатын, байыаннай управлениетын уонна сибээһин эбийиэктэригэр ыраахтан үрдүк табыылаах салгын, муора, уонна сирдээҕи сэрии сэбиргэлинэн киэҥ хабааннаах охсуу оҥоһулунна».
Түмүгү Оборуона миниистирэ Сергей Шойгу дакылааттыырыгар сорудахтанна.
