Айсен Николаев Уһук Илин уокурук сайдыытын ырытар мунньахха кыттыыны ылла. Саха сирин аҕа баһылыга бу мунньахха кэккэ этиилэри киллэрдэ.
Уһук Илин уокурук олоҕун тупсарарга туох соруктары ылыныахтаахтарын туһунан ырытыыга федеральнай министиэристибэлэр, биэдэмистибэлэр уонна регионнар салайааччылара кыттыстылар.
Ил Дархан маҥнайгы уонна онтон кэлэр оҕолоох ыаллары эбии өйүүр туһунан этии киллэрдэ.
“Уһук Илиҥҥэ мэдэссиинэ кадрдара” көҕүлээһини ырытыыга Айсен Николаев Уһук Илин уокурукка мэдэссиинэ үөрэхтэригэр бүддьүөт миэстэлэрин элбэтэр туһунан толкуйу иһитиннэрдэ.
Өрөспүүбүлүкэ аҕа баһылыгын санаатынан, социальнай эйгэни уонна доруобуйа харыстабылын тупсардахха, олох таһыма үрдүүр. Ийэлэри, дьиэ кэргэни, оҕолору өйөөһүн – былаас сүрүн соруга. Уһук Илин уокурук инники дьылҕата билигин сөптөөх быһаарыыны ылынартан тутулуктаах.
