Арассыыйа саҥа эрэгийиэннэригэр «Тыа сирин бырааһа» бырагыраамаҕа бэриллэр үбү: быраастарга 2 мөл. солк., биэлсэрдэргэ 1 мөл. солк. диэри улаатыннарыахтара. Бу туһунан РФ Бэрэсидьиэнэ Владимир Путин быһа линияҕа иһитиннэрдэ.
Мииринэй Киин балыыһатын кылаабынай бырааһа Вера Тарасова В.Путин бу этиитин истэн баран, ити дойду саҥа эрэгийиэннэригэр доруобуйа харыстабыла сайдыытын улаханнык көҕүлүөҕэ диэн санаатын үллэһиннэ.
«2023 сылга биһиги балыыһабыт кэлэктиибэ 14 эдэр бырааһынан күүһүрдэ, бу сыл устата барыта 34 исписэлиис биһиэхэ үлэҕэ киирдэ. Каадырдар маннык кэлэллэригэр «Доруобуйа харыстабыла» национальнай бырайыак чэрчитинэн «Тыа сирин бырааһа» уонна да атын бырагыраамалар олоххо киириилэрэ көмөлөстө«, — диэн Вера Тарасова эттэ, суруйда СӨ Ил Дарханын уонна бырабыыталыстыбатын пресс-сулууспата.
Источник: Саха сирэ саайт
