Аҕыс сылгы уонна икки ынах иитиитинэн дьарыктанар тыа хаһаайыстыбатын тэрилтэлэрэ судаарыстыбаннай племенной регистрга боломуочуйаларын уһаппыттарын туһунан сибидиэтэлистибэлэри туттулар. Бу туһунан СИАҕа “Сахаагроплем” тэрилтэ иһитиннэрдэ.
Хаһаайыстыбалар докумуоннарын Арассыыйа тыа хаһаайыстыбатын министиэристибэтиттэн ыллылар.
Сылгы иитиитигэр:
– Чурапчы улууһуттан “Бараммат” хаһаайыстыба
– Тааттаттан “Победа” ХЭТ
– Амматтан И.Я.Строд аатынан, “Үрүйэ” ТХПК-лар
– Хаҥаластан «Бөртө конезавод”
– Уус-Алдантан “Танда” ТХПК
– Намтан “Борохой”, “Кэскил” ТХПК-лар
Ынах иитиитигэр:
– Дьокуускай куорат “Туймаада” экоферма
– Дьокуускайдааҕы саха ынаҕа генофонднай казеннай тэрилтэ.
Сылгы боруодатын селекциялыыр киин салайааччыта Анатолий Заболоцкай хаһаайыстыбалар федеральнай госплемрегистрга киирбиттэрин ситиһииннэн ааҕар. «Сыралаах үлэ түмүгэр хаһаайыстыбалар федеральнай ирдэбилгэ эппиэттэһэр буоллулар», — диир кини.
