15 От ыйа 15.07
  • 17°
  • $ 87,74
  • 95,76

Тыа хаһаайыстыбатын министиэристибэтэ "Үлэ киһитэ" хаартысканан күрэҕэр үлэлэр киирэн эрэллэр

Куонкуруска киирбит хаартыска. Ааптар Васильева Анна Спартаковна. Хаҥалас улууһа
Читайте нас на
Яндекс Новости
ЯДВ

Саха сиринээҕи тыа хаһаайыстыбатын министиэристибэтэ «Үлэ сылыгар» анаан, киһи үлэтигэр убаастабыллаах сыһыан, тыа сирин үлэһит дьонугар, аграрнай хайысха идэлэригэр болҕомто уурар сыалтан «Үлэ дьоно» диэн хаартысканан куонкурус ыытар. Дьаһал ыам ыйын 1 күнүгэр биллэриллибитэ уонна хаартыскалары тутуу балаҕан ыйын 1 күнүгэр диэри салҕанан барар.

«Куонкуруска ким баҕалаах кыттар. Хаартысканы түһэрбит киһи ааптар буолар. Хаартыскаҕа тыа хаһаайыстыбатынан дьарыктанар, тыа сирин үлэһит дьоно көрдөрүллүөхтээх. Номинациялар бааллар: сүөһү-сылгы иитиитэ, оҕуруот-от үүннэриитэ, таба иитиитэ, балыктааһын, аһы-үөлү оҥоруу.  Хаартыска ханнык улууска оҥоһуллубута, ким түспүтэ суруллуохтаах. Ааптар аата, араспаанньата, аҕатын аата, төлөпүөнэ, электроннай аадырыһа, куората/муниципальнай оройуона ыйыллыахтаах. Аадырыспыт minselhoz@sakha.gov.ru, «Лица труда» диэн бэлиэтэнэр», — диэн биэдэмистибэ пресс-сулууспата иһитиннэрдэ.

Куонкурсу ыытааччылар эппиттэринэн, билигин киирбит үлэлэр түһэриилэрин хаачыстыбата мөлтөх. Сорох хаартыскалар скриншоттар. Ирдэбил быһыытынан итинник үлэлэр хамыыһыйа көрүүтүгэр ылыллыбаттар.

Түмүккэ түөрт кыайыылаах баар буолар: Бастыҥ үлэ уу харчынан 50 000 солк, маны сэргэ үс миэстэ — 30 000, 20 000 уонна 10 000 солк, туһааннааҕынан.

Следите за самым важным и интересным в Telegram-канале и WhatsApp-группе ЯСИА