Балаҕан ыйын 27 күнүгэр сарсыарда СӨ быыһыыр сулууспатыгар Ньурба оройуонун Киров нэһилиэгин 1957 с.т. олохтооҕо балаҕан ыйын 26 күнүгэр 14.00 чааска ынах көрдүү баран баран төннүбэтэҕин туһунан биллэрбиттэр. Эр киһини көрдөөһүҥҥэ Ньурба көрдүүр этэрээтин быыһааччылара тахсыбытыттар, диэн СИА кэпсиир.
Сүппүт эр киһини 24 чааһы быһа көрдөөбүттэр да, булбатахтар.
Балаҕан ыйын 28 күнүгэр «Муосана» сиригэр көрдүүр үлэлэри ыытыы кэмигэр, олохтоох балыксыт төлөпүөннээбит уонна мас анныгар олорор эр киһини көрбүтүн уонна сүппүт киһиэхэ маарынныырын туһунан кэпсээбит. Быыһааччылар муммут эр киһини «Чонноон» диэн сиргэ булбуттар уонна Киров нэһилиэгэр эвакуациялаабыттар. Эр киһи этэҥҥэ буолан, медицинскэй көмөҕө наадыйбатах.
