19 От ыйа 19.07
  • 21°
  • $ 87,88
  • 96,1

Туркменистан уонна Саха сирин быраастара бииргэ үлэлииргэ быһаардылар

15:15, 20 июля 2016
Текст:
Читайте нас на
Яндекс Новости
ЯДВ

Өрөспүүбүлүкэтээҕи 2 №-дээх балыыһаҕа, Суһал медицинскэй көмө киинигэр Туркменистан травматологияҕа киинин травматолога Сердар Башимов уонна Туркмения санитарнай-эпидемиологическай сулууспатын салаатын салайааччы Мухамед Мухамедов ыалдьыттаатылар.


Туркменистан медицинатын эйгэтин үлэһиттэрэ «Азия оҕолоро» норуоттар икки ардыларынааҕы оҕо спордун оонньууларын ыытыы кэмигэр медицинскэй көмөнү оҥоруу үөрүйэҕин үллэстэ кэлбиттэр.

Өрөспүүбүлүкэтээҕи балыыһа кылаабынай бырааһа Борис Андреев кэлэктиип үлэтин сүрүн хайысхаларын билиһиннэрдэ. Ыалдьыттарга МРТ, травматология, ортопедия, хирургия отделениеларын, компьютернай томография кабинеттарын көрдөрдүлэр.

2017 сылга биһиэхэ, Туркменистаҥҥа, бойобуой искусствоҕа норуоттар икки ардыларынааҕы оонньуулар ыытыллыахтара. Травматология киинэ оонньуу кэмигэр медицинскэй өҥөнү тэрийии боппуруоһун сүрүннүөҕэ. Мин быраас быһыытынан, бастатан туран, Саха сирин эмчиттэрэ хайдах үлэлииллэрин интэриэһиргээтим. Ону сэргэ травматология киинигэр сылдьан балыыһа отделениеларын үлэлэрин көрөн олус сэргээтим. Саха сиригэр баар биир идэлээхтэрбит биһиэхэ истиҥ, аһаҕас сыһыаннарыттан үөрдүбүт, элбэҕи көрдөрдүлэр, кэпсээтилэр, – диэн Сердар Башимов кэпсээтэ.

Ыалдьыттар иһитиннэрбиттэринэн, Туркменистаҥҥа кэнники уон сылга медицина улахан кииннэрэ арыллыбыттар, ыраах сытар сирдэргэ медицинскэй көмө оҥоһуута тупсубут, аныгы технологиялар киллэриллибиттэр. Туркменистан бырабыыталыстыбата чөл олоххо улахан болҕомтотун уурар, араас бырагыраамалар үлэлииллэр, ыарыыны сэрэтии үлэлэрэ ыытыллаллар.

Саха сирин уонна Туркменистан өрүттэрэ инникитин бииргэ үлэлииргэ уонна өссө үрдүк таһымҥа тахсарга эрэллээх хааллылар.

Следите за самым важным и интересным в Telegram-канале и WhatsApp-группе ЯСИА